Велешанецот осуден за кражба на ќебапите се бара со меѓународна потерница

Речиси и да нема човек во Македонија кој не слушнал за необичниот случај со велешанецот Петре Караманов, кој во 2015 година беше осуден на тригодишна затворска казна поради кражба извршена во една кафеана во Велес. Настанот тогаш предизвика лавина од реакции во јавноста, дел од нив со критики дека казната е престрога за „ќебапи“, пишува „Викимедиа.мк“.

Меѓутоа, подоцна се дозна дека Караманов не е случаен сторител, туку лице со богато криминално досие, веќе осудувано за низа кражби и разбојништва. Во моментот кога ја добил пресудата за „ќебапите“, алкохолот и другите производи од кафеаната, тој веќе се наоѓал во притвор за друго кривично дело.

Додека реакциите околу казната сè уште не беа стивнати, јавноста повторно беше шокирана во 2017 година – на својот прв викенд-излез од затвор, Караманов не се вратил зад решетки. Од тој момент, му се губи секоја трага. До денес останува во бегство и не е вратен на доиздржување на казната, објави „Викимедиа.мк“.

Целиот текст може да се прочита на „Викимедиа.мк“.