Фото: Принтскрин
Под влијание на циклонска активност и навлегување на многу студена воздушна маса која продира од исток и североисток, односно од подрачјето на Русија кон Балканот, нашата земја денеска и утре (петок, 3 октомври) ќе биде зафатена од значителна промена на времето. Се очекува облачно и невообичаено студено време за почетокот на октомври, проследено со интензивни врнежи од дожд.
На повеќе места количината на наврнат воден талог ќе надмине 30 литри на метар квадратен, а локално ќе се регистрираат и над 60 литри. Покрај дождот, ќе дува засилен северен ветер кој дополнително ќе го засили впечатокот на студ.
„На повисоките предели и планините врнежите ќе преминуваат во снег, со што ќе се создаде и првата пообилна снежна покривка за оваа сезона. На делови од планинските масиви висината на снегот може да достигне и до 50–60 сантиметри“, вели метео-прогнозерот Славчо Попоски.
Поради падот на температурите, снежни врнежи се очекуваат и во дел од повисоките градови во западниот и северниот дел на државата, што за овој период од годината претставува ретка појава.
За повеќе метео-прогнози заследете го Славчо Попоски на овој ЛИНК.
