Фото: RK Vardar
Вечното дерби меѓу Вардар и Пелистер во СЦ „Јане Сандански“ донесе возбудлив ракомет и инциденти на трибините. На крајот, поранешниот европски шампион Вардар славеше со 31-28 во натпревар од петтото коло на Суперлигата.
Дуелот започна израмнето, но рано беше обележан од исклучувањето на Вуко Борозан, кој по груб старт врз Филип Кузмановски доби директен црвен картон. Вардар потоа поведе со неколку гола разлика, а атмосферата дополнително се вжешти откако „Чкембари“ со факели нападнаа публика, по што полицијата мораше да интервенира.
И покрај тоа што Пелистер успеа да стигне до израмнување (21-21), не реализираше напад за пресврт, што „црвено-црните“ знаеја да го искористат. Со сигурна игра во финишот Вардар ја обезбеди победата и ја прекина серијата од четири порази во дерби пресметките.
