Фото: Принтскрин
Премиерот Христијан Мицкоски реагираше на вчерашната изјава на Бујар Османи, кандидат за градоначалник на Општина Чаир. Османи го нарече Мицкоски албанофоб, обвинувајќи го дека наводно ги мрази Албанците и дека има намера да ги исклучи од институциите.
Мицкоски возврати дека ваквите квалификации се невистини и нагласи дека тој не е албанофоб, туку „криминалофоб“. Според него, вистинскиот проблем се политичарите кои влегле во политиката без ништо, а излегле како милионери, збогатувајќи се на штета на граѓаните.
„Јас не сум албанофов ниту, пак, човек што е ксенофоб, кој има проблем со етничката припадност на кој било мој сограѓанин во нашата заедничка татковина Македонија. Јас сум криминалофоб и презирам политичките криминалци што во политиката влегоа голтари, а излегоа од политиката милионери“, вели Мицкоски.
