(Видео) Пукање и експлозии во Минхен – „Октоберфест“ затворен поради закани

Една личност загина, а уште една е повредена во серија пукања и експлозии што утрово го потресоа северниот дел на Минхен.

Германската полиција и противпожарните екипи спроведуваат голема акција во поширокиот реон, а локалните власти соопштија дека во моментов се проверува дали инцидентот има било каква поврзаност со одржувањето на познатиот фестивал Октоберфест, кој поради безбедносни причини беше прекинат.

Настанот започнал на улицата „Лерхенауер“, во близина на истоименото езеро, кога прво била регистрирана експлозија во една семејна куќа, по што следеле повеќе детонации во околината, јавува весникот Билд. На терен веднаш биле испратени специјални полициски единици и тимови за деактивирање експлозивни направи.

Областа е целосно блокирана, со апел до жителите и возачите да ја избегнуваат зоната. Привремено е затворено и едно основно училиште во близина, а на местото има голем број полициски сили и пожарникари.

❗️Multiple explosions reported in Munich, Germany — Bild

Large police & fire department presence in the area, gunshots also reportedly heard

A man allegedly rigged his parents’ house with explosives, set it on fire & took his own life pic.twitter.com/BkKKD9rL8m

— RT (@RT_com) October 1, 2025