Фото: thestrongestmacedonia
Македонската репрезентативка Даниела Алексовска се враќа од Светското првенство во Грузија со бронзен медал, откако денеска во полуфиналето беше совладана од азербејџанската натпреварувачка Нармин Алијева. Иако медалот е голем успех, натпреварот донесе и разочарување во македонскиот табор.
Според реакциите на тимот, Алексовска била поразена поради зафат кој, како што велат, е строго забранет во правилата на спортот. Тренерот Ивица Алексовски изјави дека веднаш по завршувањето на борбата поднеле официјална жалба до организаторите.
„Тоа што не го видовме за време на борба, се чудевме како беше зафатот, при преглед на борбата видовме дека се работи за забранет зафат Пишавме поплака до ИММАФ, на која ни рекоа дека е ОК, ама сме требале веднаш по борбата да се пожалиме Не е дозволено снимање, сликање, немаш интернет, а имаш време од 5 минути да се жалиш чудни правила. 2ца официјални судии за ММА од ЕУ се согласија дека е класичен „neck crank“… Од нашата жалба може само да го избркаат судијата заради незнаење“, објави Алексовски.
