Фото: Принтскрин
Од 29 септември, цените на цигарите во Македонија се зголемија за околу 10 денари по пакување. Иако дел од потрошувачите сè уште купуваат по старата цена поради преостанати залихи, производителите најавуваат дека во следните денови ќе дојде до целосно усогласување на ценовниците на продажните места. Тоа, според нив, ќе донесе „вистински ценовен шок“ за пушачите.
Поскапувањето ги опфаќа најбараните брендови на пазарот – Данхил, Лаки Страјк, Пал Мал и Ротман, што значи дека ударот врз буџетот на пушачите ќе биде значителен.
Властите нагласуваат дека станува збор за чисто комерцијална одлука на производителите и дека зголемувањето на цените не е последица на повисока акциза или нови даноци.
Експертите предупредуваат дека ова зголемување е веројатно само прв чекор и дека во наредниот период можат да следат нови поскапувања.
