Фото: Принтскрин
Попладнево, околу 15 часот, во едно угостителски локал во населбата Вишничка Бања во Белград се случи вооружен инцидент во кој едно лице загина, а пет други беа повредени, пренесуваат српските медиуми.
Според првичните информации, во престрелката животот го загубила 51-годишната Д. В., додека повредени се три мажи и две жени. Дел од нив се со тешки повреди и се пренесени во Ургентниот центар во Белград. Меѓу повредените се и 59-годишниот О. А. и 42-годишната Љ. М., како и уште две лица – маж и жена – кои се наоѓаат во критична состојба. Жената со потешки повреди е веднаш префрлена на одделот за реанимација.
Очевидци за локалните медиуми изјавиле дека еден од повредените мажи и жената биле во локалот и пиеле кафе кога започнала престрелката, па се претпоставува дека тие биле случајни жртви и „колатерална штета“.
