Фото: Принтскрин
Во тешка несреќа во Индонезија, најмалку едно дете го загуби животот, а повеќе десетици се здобија со повреди откако се урна зграда на училишен интернат. Според првичните информации, под урнатините би можеле да се наоѓаат повеќе од шеесет ученици.
Трагедијата се случила во исламскиот интернат „Ал Козини“ во Источна Јава, во моментот кога учениците се собирале на молитва. Одеднаш дел од зградата се срушил, затрупувајќи ги присутните деца. Спасувачките екипи веднаш пристигнале на местото и преку мали отвори доставувале кислород и вода за да им помогнат на заробените да издржат до нивното извлекување.
Акцијата за спасување продолжила без прекин во текот на ноќта. Досега се извлечени осум преживеани, но спасувачите предупредуваат дека ситуацијата е критична.
