Филипче: Вака не изгледа горда Македонија, луѓето врзуваат крај со крај

СДСМ заедно со својата коалиција ја започна кампањата за претстојните локални избори со граѓанска трибина во Демир Хисар.

На настанот се обрати претседателот на партијата, Венко Филипче, кој остро ја критикуваше владејачката ВМРО-ДПМНЕ и обвини дека и покрај повеќе од четири години локална и една и пол година централна власт, не успеале да донесат промени во интерес на граѓаните.

„Сите гледаме, после една и пол година централна власт и повеќе од 4 години централна власт ВМРО-ДПМНЕ и повеќе од четири години нивна локална власт, дека се неспособни да донесат промени и да работат за и во интерес на граѓаните. Се грижат само за себе, за својата удобност и исклучиво за своите членови. Дали ова е гордата Македонија што ни ја ветија? Македонија со понижени земјоделци, со млади кои заминуваат, со семејства што едвај врзуваат крај со крај? Не, ова не е горда Македонија“, кажа Филипче.