Ахмети: Мицкоски со кучиња оди на лов на зајци, но не и на орли

Лидерот на Демократската унија за интеграција (ДУИ), Али Ахмети, на конвенцијата за промоција на кандидатите од коалицијата „Национална алијанса за интеграција“, ја искористи приликата остро да ги критикува своите политички противници.

Во својот говор тој нагласи дека Албанците во Македонија стекнале легитимитет што мора да биде почитуван, но наместо тоа, дел од политичките структури, како што рече, го прекршиле Охридскиот рамковен договор, го укинале законот за употреба на албанскиот јазик и го отстраниле балансерот како механизам за правична застапеност.

„Охридскиот договор мора да го почитуваат сите страни. Христијан со своите платеници, со последователните грешки што ги прави, само ги организира и мобилизира Албанците. Христијан Мицкоски со кучиња оди на лов на зајци, но не и на орли, бидејќи орелот не се бори со кучиња, слуги и негодници кои ги дресирате за да нè оцрните. Орли, летајте високо во синилото, кучиња, чувајте се од зајци“, вели Ахмети.