Фото: Принтскрин
Најмалку четири лица, меѓу кои и 12-годишно девојче, загинаа, а уште 37 беа повредени во нов масовен руски напад врз Украина кој траеше повеќе од 12 часа.
Украинскиот претседател Володимир Зеленски изјави дека Русија лансирала речиси 500 дронови и повеќе од 40 ракети, при што најголеми штети претрпеа Киев и Запорожје, пренесува „The Kyiv Independent“.
Во главниот град беа оштетени околу 20 објекти во шест различни општини, вклучително и петкатна зграда која претрпе „делумно уништување“, потврди градоначалникот на Киев, Виталиј Кличко. Сите четири жртви, меѓу кои и малолетното девојче, се регистрирани во Киев, каде што уште најмалку десет лица се здобија со повреди.
Тешки последици има и во југоисточниот град Запорожје. Гувернерот на областа, Иван Федоров, соопшти дека таму биле повредени најмалку 27 лица, меѓу кои и три деца што се хоспитализирани. Две деца се во тешка состојба – едното поради повреди од експлозија, а другото поради труење со јаглерод моноксид.
A massive Russian attack on Ukraine lasted for more than 12 hours. Savage strikes, a deliberate, targeted terror against ordinary cities – nearly 500 attack drones and over 40 missiles, including Kinzhal missiles. This morning, Russian-Iranian “shaheds” are again in our skies.… pic.twitter.com/fshvsbMkIg
— Volodymyr Zelenskyy / Володимир Зеленський (@ZelenskyyUa) September 28, 2025
