„Јас сум горда Македонка“, вели една од најбогатите жени во светот

Мариен Илич, која важи за најбогатата Македонка во Детроит и е меѓу највлијателните бизнисменки со македонско потекло во светот, беше добитничка на престижната награда „Ќерка на Македонија“.

Признанието ѝ беше врачено на свечената гала вечер организирана по повод 20-годишнината од основањето на Обединетата македонска дијаспора (ОМД), што викендов се одржа во Детроит.

„Ги сакам Македонците, добро го зборувам јазикот, но често имаме забавни случки со нашите деца бидејќи не го знаат македонскиот јазик и многу често ме прашуваат како се кажува ова, како се кажува она и јас им одговарам. Јас сум горда што сум Македонка, навистина сум горда“, кажа таа.