Фото: Принтскрин
Се верува дека оние кои го слават својот роденден на Крстовден ја носат духовната тежина на Светиот крст на своите рамена и затоа се посебно одговорни за своите дела пред Бога.
Крстовден е еден од најголемите христијански празници. Тој го одбележува наоѓањето на Чесниот крст на Голгота, како и неговото враќање од Персија во Ерусалим. Празникот е познат и како Воздвижение на Чесниот Крст.
Православната црква го празнува двапати годишно – на 18 јануари и на 27 септември. Според народната традиција, верниците строго постеле на овој ден, а по селата често се организирале панаѓури и собири.
Во македонските краишта се зачувани и специфични обичаи. Еден од нив е премачкување на добитокот со катран во форма на крст, со што луѓето верувале дека ќе ги заштитат животните од болести. Народното верување исто така вели дека на Крстовден змиите се повлекуваат во своите дупки и веќе не се појавуваат по полињата.
Во црковната традиција на овој ден се осветувале босилек, грозје, жито и јаболка. Осветениот босилек обично се чувал крај иконата во домот, а подоцна се користел за лекување и духовна заштита. Така, Крстовден не е само празник на верата, туку и ден исполнет со народни обичаи и симболика што се пренесувале низ генерации.
Се верува дека какво е времето во текот на Крстовден таква ќе биде и годината, односно:
Ако е облачно на Крстовден, зимата ќе биде богата со снег, а ако е суво, следната година ќе биде суво.
Ако до Крстовден ластовичките не заминат на југ, нема да бидемногу студена зимата.
Тивкиот дожд на Крстовден предвидува блага зима.
Грмотевица на Крстовден навестува плодна година.
Ако на Крстовден е облачно, зимата ќе биде снежна. Ако денот е ведар, тогаш зимата ќе биде сува и студена.
На Крстовден се почитува и строг пост – на леб и вода.
