Фото: Принтскрин
Украинските беспилотни летала повторно ја погодија нафтената рафинерија Афипски во рускиот Краснодарски крај, што според Киев претставува удар врз снабдувањето со гориво за руските сили.
Врховниот командант на вооружените сили на Украина, Александар Сирски, изјави дека Русија се соочува со „криза на гориво“ поради засилените напади врз нејзината енергетска инфраструктура. Тој нагласи дека украинските акции значително ја нарушиле логистиката и снабдувањето на руската војска.
„За нешто помалку од два месеца погодени се 85 важни објекти на непријателска територија. Од нив, 33 се воени цели: бази, складишта, арсенали, аеродроми и авиони на пистите,“ истакна Сирски.
Според соопштението на украинскиот Генералштаб, нападот врз рафинеријата Афипски е изведен во ноќта меѓу 26 и 27 септември, при што единиците на Силите за беспилотни системи, во соработка со други компоненти на Одбранбените сили, ги погодиле објектите на рафинеријата.
Рафинеријата Афипски се смета за една од клучните снабдувачки точки на гориво за Москва, а нападите врз вакви објекти се дел од украинската стратегија за ограничување на офанзивниот потенцијал на руските трупи и попречување на нивната логистика.
Another night, another refinery. A drone strike hit the Afipsky oil refinery in Russia’s Krasnodar region, sparking a large fire. Local sources report intense flames at the site. pic.twitter.com/1im32nEHkB
— NOELREPORTS 🇪🇺 🇺🇦 (@NOELreports) September 26, 2025
Less and less gas stations in occupied Crimea have fuel available. Insane long queues are forming. pic.twitter.com/m8Xrqx0fkq
— NOELREPORTS 🇪🇺 🇺🇦 (@NOELreports) September 24, 2025
