Фото: Принтскрин
Министерот за транспорт и врски, Александар Николоски, во синоќешното гостување во емисијата „Клик Плус“ на ТВ21 најави дека во текот на оваа година главниот град ќе добие целосно функционален градски воз.
Николоски истакна дека проектот е еден од приоритетите на министерството и дека со неговата реализација ќе се овозможи побрз, поудобен и поевтин превоз за скопјани.
„Прашање е на недели кога ќе започне со работа, затоа што постапката е завршена. Првата линија на градскиот воз ќе се движи од Зелениково, преку Драчево, Ново Лисиче, Кисела Вода, Аеродром и ќе завршува на новата Железничка станица. Во втората фаза, веќе следната година, ќе се градат и останатите две линии“, вели Николоски.
