(Фото+Видео) Ситуацијата по пожарот во Кисела Вода – изгоре џип, оганот ја зафатил и зградата

Минатата ноќ, во близина на Шампионче, односно на улицата „Дичо Петров“ избувнал пожар во патничко возило „ренџ ровер“, а бил зафатен уште еден автомобил „голф“.

МВР информира дека минатата ноќ, нешто пред 4 часот, бил пријавен пожарот, а во продолжение може да погледнете како изгледа местото каде што било опожарено возилото.

„На 25.09.2025 во 03:47 часот во СВР Скопје е пријавено дека на ул.„Дичо Петров“ во Скопје било опожарено патничко возило „ренџ ровер“ со словачки национални ознаки, сопственост на В.Д.(41) од Скопје, а било зафатено и патничко возило „голф“ со бугарски национални ознаки, како и дел од фасада од станбена зграда и дел од продажен објект. Од страна на Бригадата за противпожарна заштита пожарот бил изгаснат. Повредени лица нема, во тек е увид на местото на настанот и се преземаат мерки за расчистување на случајот“, велат од МВР.