Фото: thestrongestmacedonia
Македонската ММА натпреварувачка Даниела Алексовска ќе ја претставува земјата на Светското првенство во мешани боречки вештини (ММА) кое ќе се одржи во Тбилиси од 27 септември до 2 октомври.
Даниела своето место меѓу најдобрите го обезбеди со златниот медал на Европското првенство оваа година и сега има за цел да направи нов исчекор во кариерата и да стигне до светска титула. Во групната фаза на шампионатот, таа ќе се соочи со противнички од Украина, Казахстан, Мексико и Азербејџан, што ветува силна конкуренција и интересни борби.
Ова ќе биде нејзин втор настап на Светскиот шампионат, откако лани во Узбекистан освои бронза, потврдувајќи ја својата конзистентност на меѓународната сцена.
