Попладнево над Прилеп се подигна густ облак чад од голем пожар што избувна на диво депонирано ѓубре на влезот во градот.
Според првичните податоци од Дирекцијата за заштита и спасување (ДЗС), голема количина отпад запалила на локација каде жителите велат дека со месеци се фрлал смет.
На терен е Противпожарната единица Прилеп, која интервенира за да го локализира пожарот. Засега нема известувања за непосредна закана по околните објекти и населението.
