„Мачно ми е, судиите и обвинителите не ги заслужуваат ни овие плати“, кажа Мицкоски по пресудата за Теодора

Премиерот Христијан Мицкоски се огласи по повод пресудата со која возачот Менсур Пајазити е осуден на две години затвор за сообраќајната несреќа во која трагично го загуби животот младата Теодора Ристовска во Тетово.

Мицкоски изрази сочувство до семејството Ристовски и порача дека нивната болка е болка за целото општество.

„Моите ставови за Обвинителството и судството се одамна кажани и разговарани. Јас чувствувам мачнина, бидејќи тие не ги заслужуваат ни овие плати поради ваквите пресуди. И секогаш кога ќе зборуваат зошто доцниме во процесот за реформи, сакам јавноста да знае дека станува збор за шест закони кои се однесуваат на зголемување на буџетот, односно нивните плати“, кажа Мицкоски.