Фото: Принтскрин
Премиерите на Луксембург, Малта и Монако вчера на седницата на Генералното собрание на Обединетите нации официјално ја признаа државата Палестина.
„Ова е почеток на обновена посветеност на надежта, дипломатијата, дијалогот, соживотот и решението за две држави. Идеја кревка, но сепак можна – дека мирот може да надвладее,“ изјави премиерот на Луксембург, Лук Фриден, обраќајќи се пред Генералното собрание на ОН.
Тој нагласи дека „постојат моменти во историјата кога целта на мирот бара и морална јаснотија и политичка храброст,“ додавајќи дека одлуката „не е насочена против Израел или неговиот народ“.
Во меѓувреме, Андора и Белгија најавија дека ќе ја признаат Палестина кога сите заложници ќе бидат ослободени и кога Хамас повеќе нема да биде на власт. „Ефективното водење на дипломатски односи со новата држава Палестина, вклучувајќи отворање на белгиска амбасада и склучување на меѓународни договори, ќе се реализира откако ќе бидат постигнати целите од Њујоршката декларација,“ изјави белгискиот премиер Барт де Вевер.
Да потсетиме, вчера и францускиот претседател Емануел Макрон официјално ја призна Палестина во име на Франција. „Франција денес ја признава државата Палестина… за мир меѓу израелскиот и палестинскиот народ,“ порача Макрон во своето свечено обраќање.
