Фото: Принтскрин
Рускиот претседател Владимир Путин изјави дека Москва е подготвена да одговори на сите закани, нагласувајќи притоа дека Русија и понатаму го поддржува дипломатскиот пат за смирување на тензиите „и покрај деструктивните политики на Западот“.
Во пресрет на денешната седница на Советот за безбедност, Путин предупреди на „исклучителна опасност од понатамошно влошување“ на геополитичката состојба, особено во контекст на војната во Украина.
Тој додаде дека Русија понудила „конкретни идеи“ за промена на овој курс, но, како што истакна, тие „апели и иницијативи не наидоа на јасен одговор“, пренесува Russia Today.
„Не смее да има никакви сомнежи во ова: Русија е способна да одговори на сите постојни и новоизникнати закани. Не со зборови, туку со примена на воено-технички мерки“, порача Путин.
