Седумгодишно девојче почина во Тетово

Седумгодишно девојче од селото Челопек, Тетовско, ја загуби битката за животот по неколкудневно лекување во Клиничката болница во Тетово, информираа денеска од здравствената установа.

Малолетната пациентка била примена на Одделението за педијатрија во саботата, на 20 септември, околу 20:40 часот, во сериозна здравствена состојба.

Лекарскиот тим веднаш започнал со сите неопходни интервенции за стабилизирање, меѓу кои и интензивна рехидратација и континуиран медицински надзор.

„Со цел понатамошен третман беше побарана и помош од Одделението за ОРЛ за аспирација на секрети од усната шуплина. За време на интервенцијата пациентката не покажа реакција и веднаш беше префрлена на Одделението за интензивна нега, каде што беа преземени сите мерки за реанимација. И покрај напорите на медицинскиот тим, пациентката почина“, се вели во соопштението.