Видео кое за кратко време стана вирално ја запали јавноста: млада девојка самоуверено зборува за својата гардероба од 50.000 евра, при што само часовникот што го носи го процени на 30.000 евра. Наместо да се зборува за убиството во Велес – каде Росица и нејзиниот татко беа брутално лишени од живот, иако таа претходно алармираше дека не е безбедна – фокусот на јавноста се префрли кон луксузните модни детали.
Додека институциите молчат за пропустите, социјалните мрежи експлодираа со дискусии околу тоа дали часовникот е 5.000 или 30.000 евра и дали девојката што го носи навистина ги заработила тие пари.
Инфлуенсерката Миа Костова реагираше со остар коментар:
„Двојното убиство и самоубиство останаа во сенка, а јавноста се занимава со ташни и часовници. Шанел ташна ја покри трагедијата. Cartier часовникот ја потисна вистината за психопат кој живеел меѓу нас. Тоа ви кажува сè за приоритетите на овој народ. Размислете.“
