Фото: Принтскрин
Полициски службеници од СВР Битола во раните утрински часови на 21 септември, околу 01:45 часот, го уапсиле Ј.С. (68) од Берово, кој престојувал во Битола.
Лицето е осомничено за тешко кривично дело – „полов напад врз дете кое не наполнило 14 години“, казниво по член 188 став 1 од Кривичниот законик.
Според првичните информации, настанот се случил во хотел во Битола, каде што осомничениот извршил напад врз 12-годишно девојче.
Од МВР соопштија дека случајот е целосно документиран и по завршување на истрагата против уапсениот ќе биде поднесен соодветен поднесок до надлежните органи.
