Фото: Принтскрин
Попладнево околу 16:30 часот, теренско возило излетало од планинскиот пат високо над селото Горно Јеловце, Општина Врапчиште, во близина на косовската граница, при што возачот се здобил со тешки телесни повреди.
Со него биле уште три лица, меѓу кои и еден доктор, кои веднаш по несреќата ги известиле службите за итна помош на 112 и побарале помош за извлекување на повредениот.
Поради сериозноста на повредите, полицискиот хеликоптер, кој токму завршил со гаснење на пожарот на планината Кожув, веднаш беше пренасочен кон местото на несреќата. Повреденото лице набргу потоа беше пренесено во Клиничкиот центар во Скопје за понатамошна медицинска нега.
