Фото: Принтскрин
Илија С., кој на 15 септември во Велес ја лиши од живот својата поранешна девојка Росица Коцева и нејзиниот татко Киро, а потоа изврши самоубиство, го сторил злосторството и покрај тоа што претходно имал изречени судски мерки и условна казна.
Според информации на „Канал 5“ од судски извори, условната пресуда за делата Насилство и Загрозување на сигурноста ја донел судијата Шефшет Адеми. Иако во текот на судскиот процес биле изведени докази кои ги потврдиле обвиненијата, сепак судот не му изрекол ефективна казна затвор.
Во еден од инцидентите, Илија ја нападнал Росица додека го шетала кучето – со едната рака ѝ ја затворил устата, а со другата ја удирал по лицето и главата, упатувајќи закани. Неколку дена подоцна, физички го нападнал нејзиниот партнер во нејзино присуство, нанесувајќи му повреди на главата и окото.
И покрај сериозноста на делата, судијата во предвид ги зел олеснителните околности – дека осомничениот бил неосудуван и дека во судница се однесувал коректно. Како отежнителни ги навел степенот на кривична одговорност и начинот на извршување на делата, но тоа не било доволно за да се изрече затворска казна, иако законот предвидува санкција од една до пет и пол години.
Повеќе за тоа прочитајте на „Канал 5“.
