Фото: Принтскрин
Во пресрет на утрешниот празник Рождество на Пресвета Богородица, денеска со почеток во 17:00 часот ќе се одржи Празнична вечерна богослужба во храмот посветен на Богородичното рождество во централното подрачје на Скопје.
По завршувањето на вечерната служба, верниците ќе можат да учествуваат во Литија со иконата на Пресвета Богородица – Троеручица, која ќе се движи низ улиците во центарот на градот. Литијата претставува духовен чин на почитување и молитвено обединување на верниците, а учесниците ќе можат да се приклучат со свеќи и молитви.
Од Скопската епархија на МПЦ-ОА ги покануваат сите верници да земат активно учество на вечерната богослужба и на Литијата.
