Крај на партиските вработувања: Дури 40 проценти од администрацијата ќе си оди

Министерот за политички систем, Горан Минчев, на денешното потпишување на меморандум за соработка со францускиот амбасадор Кристоф Ле Риголер, нагласи дека партизацијата која секоја власт ја наметнувала низ годините ја направила администрацијата бројна, но недоволно функционална.

Според него, целта е администрацијата да се скрати за околу 40 проценти, но притоа да стане поквалитетна и поефикасна во услугите кон граѓаните.

„Следи една општа функционалност односно спојување на одредени институции во други со кои што практично ќе влеземе во еден процес кој што ни е обврска од Европската унија а тоа е кратење на 40 проценти на буџетските корисници. Сведоци сме дека имаме голем број на институции кои што имаат по еден, по два вработени или пак да кажам дека тие во минатото се направени за да задоволат некои политички или партиски потреби“, кажа Минчев.