Фото: Принтскрин
Севернокорејскиот лидер Ким Јонг Ун изјави дека развојот и примена на вештачката интелигенција претставуваат „највисок приоритет“ во модернизацијата на сè пософистицираното оружје на земјата и во усовршувањето на беспилотните летала, објави државната новинска агенција KCNA.
За време на вчерашната посета на комплекс за дронови во Пјонгјанг, Ким лично присуствувал на тестирања на повеќенаменски беспилотни летала и извидувачки дронови, пренесува агенцијата. Јавноста доби и фотографии на кои се прикажуваат летала со импресивни димензии.
Според KCNA, Ким нагласил дека „брзиот развој на новата технологија за вештачка интелигенција“ мора да биде врвен приоритет, со цел значително зголемување на борбените способности на армијата. Тој дополнително повикал на проширување и зајакнување на сериското производство на дронови, оценувајќи дека тоа е клучно за идната воена моќ на Северна Кореја.
Овој настан доаѓа само една седмица по неговото присуство на тестирањето на нов мотор на цврсто гориво за интерконтинентални балистички ракети, кој Ким го оцени како „значаен чекор“ во проширувањето на нуклеарниот арсенал на Пјонгјанг.
North Korea high altitude long range surveillance drone. pic.twitter.com/QyBBTTfTmT
— Zhao DaShuai 东北进修🇨🇳 (@zhao_dashuai) September 19, 2025
