Фото: Принтскрин
На улицата Благој Ѓорев во Велес, на 18 септември околу 23 часот, полициски службеници од СВР Велес лишија од слобода 59-годишен велешанец, Ј.С., поради сомнение за извршување на семејно насилство и насилничко однесување.
Според пријавата поднесена од 51-годишната К.Х., осомничениот прво физички ја нападнал додека била на своето работно место, а потоа, во два наврати, со сила влегол во нејзиниот дом и повторно ја нападнал.
Случајот е предаден на надлежното обвинителство, а полицијата спроведува дополнителни мерки за заштита на жртвата и расчистување на сите околности поврзани со инцидентот.
„Лицето е лишено од слобода и задржано во полициска станица. За случајот е известен јавен обвинител, а по целосно документирање ќе биде поднесена соодветна кривична пријава“, соопшти МВР.
