Фото: Принтскрин
Широка полициска акција против нелегалната сеча на шумите е спроведена синоќа на поширокото подрачје на Берово, Пехчево и Делчево, јавуваат повеќе македонски медиуми. Операцијата, според нивните информации, е насочена кон откривање и разбивање на организирана криминална група која со години се занимавала со нелегална експлоатација и трговија со дрвна маса, објавија повеќе македонски медиуми.
Неофицијално, меѓу приведените лица се наоѓаат висок функционер од ЈП „Македонски шуми“, началник во полицијата, повеќемина полициски службеници и шумски полицајци, како и претставник на Министерството за земјоделство. На списокот на осомничени има и сопственици на приватни фирми. Тие, според првичните сознанија, преку коруптивни механизми нелегално исеченото дрво го прикажувале како легално и на тој начин остварувале огромна корист на сметка на државата и природните ресурси.
Иако акцијата предизвика големо внимание во јавноста, официјални потврди и детали засега нема.
