Фото: Принтскрин
Во албанскиот парламент вчера настана вистински хаос по појавувањето на виртуелната министерка Диела, создадена со помош на вештачка интелигенција. Дел од пратениците реагираа бурно, фрлајќи шишиња и хартија кон премиерот Еди Рама.
Албанија на 11 септември го назначи својот прв „министер за вештачка интелигенција“, задолжен за јавни набавки и тендери. Ботот, претставен како жена во традиционална албанска носија, за време на триминутното обраќање нагласи дека ја отелотворува посветеноста на одговорноста, транспарентноста и недискриминацијата.
Премиерот Рама оцени дека воведувањето на Диела е дел од владината стратегија за дигитализација и поголема ефикасност, што треба да ја подготви Албанија за европската интеграција.
Но, опозициските пратеници ја прогласија виртуелната министерка за „неуставна“, што предизвика тензична атмосфера. По нивните забелешки, Диела возврати дека се чувствува навредена, по што дојде до инциденти и нарушување на редот во парламентот.
