Фото: Принтскрин
Денеска, 19 септември 2025 година, околу пладне, во прилепската полиција било пријавено дека пред Градската општа болница „Борка Талески“ избила масовна тепачка меѓу неколку лица, при што биле користени дрвени палки и други предмети.
На местото веднаш пристигнале полициски службеници, но вклучените во пресметката одбиле да ги послушаат нивните наредби да ја прекинат тепачката. Во обид да воспостави ред и да спречи натамошна ескалација, еден од полицајците испукал неколку предупредувачки куршуми во воздух од својот службен пиштол.
По интервенцијата, 13 лица биле приведени во Полициската станица Прилеп. Случајот се документира, а против инволвираните ќе бидат поднесени соодветни кривични и прекршочни пријави.
