Фото: Принтскрин
Трагичниот случај во Велес, во кој беа убиени Росица и нејзиниот татко, повторно го отвори прашањето за заштитата на жртвите на семејно насилство.
На прес-конференција во Скопје, Либерално-демократската партија (ЛДП) повика на итно усвојување на законски измени кои предвидуваат воведување на електронски нараквици за насилниците.
Членката на Извршниот одбор на ЛДП, Цветанка Геговска, истакна дека доколку предложените измени на пратеничката Моника Зајкова биле изгласани во април, сторителот на трагедијата веќе би носел електронска нараквица, што можело да спречи загуба на животи.
„Овој уред ја предупредува жртвата кога насилникот е на оддалеченост помала од 100 метри. Со тоа би се зголемил степенот на заштита и би се намалила можноста за повторно изложување на насилство“, изјави Геговска.
