Фото: Принтскрин
На локалните гробишта во Чељабинската област, во азискиот дел на Русија, е забележан вознемирувачки инцидент – мечка откопала десетици гробови и изела човечки остатоци.
Веста ја објави на 15 септември каналот „Mash“ на Телеграм, а локалните власти веднаш реагирале.
Ловците од блискиот град Златоуст добиле наредба да започнат пребарување на сите гробишта во регионот, а Министерството за екологија издало официјално одобрение за фаќање на животното, пренесува „Вечерња Москва“.
И покрај интензивната потрага, мечката сè уште не е пронајдена, што предизвикува загриженост кај жителите. Стравуваат каде би можела повторно да се појави и каква штета може да предизвика.
