На 17 септември 2025 година, околу 18:30 часот, на Градските гробишта во Бутел, полициски екипи од СВР Скопје – Полициска станица Чаир привеле четири лица под сомнение за кражба, казнива според член 236 од Кривичниот законик.
Приведените се О.Ш. (49), М.Ш. (22), Љ.Ф.А. (26) и З.Р. (26), сите од Скопје. Во возило марка „Пежо“ со скопски таблички, управувано од З.Р., а во кое се превезувале и останатите, полицијата пронашла и запленила бронзена биста со претстава на две човечки фигури во седечка положба – едната поголема, другата помала. Предметот бил одземен непосредно пред тоа од гробиштата.
Возилото е конфискувано, а сопственичката на бистата ја препознала. Осомничените се задржани во полициска станица и по целосно расветлување на случајот против нив ќе следува соодветна кривична пријава.
