Во вториот квартал од 2025 година се забележува пад на продажбата на станови споредено со првиот квартал. Агенцијата за катастар на недвижности објави дека од 1 април до 30 јуни се продадени 676 новоизградени станови од инвеститори, што е за 178 помалку отколку во претходниот квартал.
На пазарот, моментално се во изградба 25.354 станови кои наскоро ќе бидат достапни за купување.
Најголем интерес има во општина Аеродром каде се продадени 164 стана, додека најмногу куќи се продадени во Битола – 60.
Но, вистинското внимание го привлекува општина Центар, каде што е поставен рекорд – стан од 96 метри квадратни е продаден за неверојатни 260.000 евра, што изнесува 166.563 денари по метар квадратен.
Исто така, во вториот квартал се забележани 150 продажби на гаражи и најмногу деловни простории се продадени токму во Центар – 28.
Вкупно, регистарот пријави 754 продажби од инвеститори: 676 станови, 71 куќа, 5 гаражи и 2 деловни простори.
