Фото: Принтскрин
Автосервис што 25 години се градел со труд, љубов и посветеност, во една ноќ остана во пепел по подметнат пожар кој целосно уништи дел од објектот, канцеларијата, магацинот и повеќе од 20 возила што таму биле оставени на поправка.
Според сопствениците, станува збор за намерен и злонамерен чин, а доказ за тоа е видео-запис од нападот, како и фактот дека настанот доби национално медиумско покривање. „Ова не беше несреќен случај, туку свесно предизвикана штета“, велат тие.
Штетата што треба да се надомести на клиентите се проценува на над 200.000 евра, сума која е огромен товар за едно семејство и компанија што со децении градеше доверба и долгорочни односи со своите муштерии.
Автосервисот обезбедува егзистенција за 20 семејства, чии членови со години вложувале труд и енергија во развојот на бизнисот. Сега тие се соочуваат со неизвесност и страв за иднината.
Сопствениците објавија и линк на кој може да се донира за да им се помогне.
