Фото: Принтскрин
Во повеќе градови низ Франција денеска се одржаа масовни протести по повик на синдикатите, поради владината намера драстично да ги намали буџетските трошоци. Според министерот за внатрешни работи, Бруно Реталије, уапсени се 309 лица, од кои 134 се задржани во притвор, а во нередите биле повредени 26 полицајци.
Властите проценуваат дека на протестите учествувале околу 500.000 граѓани, додека организаторите тврдат дека бројката достигнала и до еден милион демонстранти.
Поради штрајкот, јавниот превоз беше во голем прекин – дел од линиите на париското метро беа затворени, а демонстрантите блокираа сообраќајници и улици во повеќе поголеми градови. Ученици и студенти се собираа пред училишта и универзитети, блокирајќи ги влезовите и извикувајќи слогани, а поддршка им дадоа и голем број наставници.
Штрајкот беше масовно поддржан и од фармацевтите – според претседателот на Федерацијата на фармацевтски синдикати, Филип Бесе, денеска биле затворени околу 98 проценти од вкупно 20.000 аптеки низ земјата.
Францускиот премиер Себастијан Лекорни најави дека во наредните денови повторно ќе се сретне со претставниците на синдикатите во обид да се постигне компромис за буџетските мерки.
Paris, France Protest 🚨
— Mayank (@mayankcdp) September 18, 2025
Over 800,000 People are Protesting in France, Opposing the government's proposed budget cuts.
They are demanding action on wages, pensions, public services, spending, and resisting plans to raise the retirement age#EmmanuelMacron #TradeUnions #Police pic.twitter.com/jUMZIF3Kbl
Striking French workers just stormed the Ministry of Finance in Paris right now as the fight against govt attacks kicks off across France. This is how we defend our class. You don't mess with the French workers. pic.twitter.com/s3XSisT5jj
— GhostofDurruti (@DurrutiRiot) September 18, 2025
