Фото: mtftennis.mk
Македонската тенисерка Лина Ѓорческа продолжува со извонредните настапи на турнирот во Куршумлијска Бања, Србија, откако во осминафиналето убедливо ја совлада Русинката Анастасија Золотарева со 2-0 во сетови (6-0, 6-3).
Ѓорческа, која се наоѓа во одлична натпреварувачка форма, без поголеми потешкотии ја минa својата втора противничка на турнирот и обезбеди пласман во четвртфиналната фаза.
Во првиот сет одигра беспрекорно, не дозволувајќи ѝ на Золотарева да освои ниту еден гем. Во вториот сет ривалката успеа да се избори за три гема, но тоа беше недоволно да ја загрози доминацијата на македонската претставничка.
Фото: mtftennis.mk
