(Видео) Двајца насилници го тепаат пред кафеана, па еден вади нож и го боде во Белград

Кон крајот на август во белградската Скадарлија дошло до жестока тепачка во која биле нападнати тројца млади момчиња – С. Б. (25), Ф. С. (20) и С. Ј. (20). За време на инцидентот, С. Б. задобил тешки повреди од убод со нож.

Според информации на „Telegraf.rs“, расправијата започнала по кавга околу девојки, која прераснала во физичка пресметка.

Редакцијата на порталот дошла и до видео-снимка од тепачката пред еден угостителски објект во Скадарска улица. На снимката, која ја направиле очевидци, се гледа моментот кога С. Б. бил нападнат од двајца напаѓачи, по што едниот од нив му задал убод со нож во пределот на грбот.

Повредениот младич веднаш бил пренесен во болница, каде што му е укажана лекарска помош.

Видеото е вознемирувачко и може да го погледнете само на лична одговорност.