Фото: Принтскрин
Рускиот нафтен гигант „Транснефт“ предупреди дека производителите би можеле да бидат принудени да го намалат производството поради повеќекратните напади со дронови на клучни извозни пристаништа и рафинерии, потврдија денеска три извори од индустријата за „Ројтерс“.
Во соопштение на својата веб-страница, „Транснефт“ ги оцени овие тврдења како „невистинити“ и дел од „информациска војна“ на Западот против Русија.
Киев, потсетуваат медиумите, од август ги засили нападите врз руските енергетски објекти со цел да ги ослабне воените напори на Москва и да ги намали приходите на Кремљ, особено по неуспехот на обидите за мирно решавање на конфликтот.
Приходите од нафта и гас во последното десетлетие сочинуваа меѓу една третина и половина од рускиот државен буџет, што го прави овој сектор најважен извор за финансирање на владата.
Според украински воени официјални лица и извори од руската индустрија, украинските дронови погодиле најмалку 10 рафинерии, што довело до намалување на капацитетот за преработка на нафта во Русија за речиси петтина во еден период. Исто така, биле оштетени главните балтички пристаништа Уст-Луга и Приморск.
Рускиот режим досега не излезе со официјални информации за обемот на штетата или нејзиното влијание врз производството и извозот.
Сепак, „Транснефт“, кој управува со повеќе од 80% од целокупно извлечената нафта во Русија, во последните денови ја ограничил можноста на нафтените компании да складираат нафта во неговиот систем на нафтопроводот, открија два извори блиски до руските нафтени компании.
Kaliningrad was not the target! Instead…!⬇️
— Boris Alexander Beissner (@boris_beissner) September 12, 2025
During the night, #UAV's attacked two objects on the territory of the #russia:
🟢Oil base in the #Smolensk region, 290 km from the border with #Ukraine (video);
🟢#Primorsk port in the #Leningrad region, 940 km from the Ukrainian… https://t.co/9x2EsOMxZB pic.twitter.com/jMiV0QfG9k
