Фото: Орце Ѓорѓиевски - Orce Gjorgjievski
Утрово околу 4.00 часот биле запалени два сервиси за автомобили во Стаклара, објави градоначалникот на Кисела Вода, Орце Ѓорѓиевски.
„После целовечерна борба со три пожари во Скопје, утринско кафе со командирот на Противпожарната бригада, Звонко – вистински чувари на градот и наши херои!
Во продолжение на неколкудневните пожари во градот, оваа ноќ во 04:00 часот беа запалени два сервиси за автомобили во Стаклара.
Благодарение на брзата реакција на противпожарната бригада, пожарот е целосно згаснат.
Иако има материјална штета, за среќа нема повредени и жртви.
Ова што се случува е повеќе од случајност, ова е алармантно!
Некој упорно го потпалува градот, а за тоа ќе мора да има одговорност“, напиша Ѓорѓиевски.
