Секоја донација е надеж: Подадете рака за Ванчо

Ванчо бил здраво и весело бебе, но неговиот живот се промени на шестмесечна возраст по една вакцина, кога започна да добива епилептични напади. Подоцна беше дијагностициран со церебрална парализа. Иако на 1 година и 2 недели успеа да прооди, состојбата нагло се влоши, и започна тешкиот пат на лекување и рехабилитација.

СИТЕ ДОНАЦИИ МОЖЕ ДА ГИ НАПРАВИТЕ ТУКА (PAVELANDREEV.ORG)

„Мојот син секој ден се бори со потешкотии во движењето и говорот. Тој е секогаш насмеан и пријатен, но комуникацијата му е најтешка. Во последно време епилепсијата стана уште посилна – добива чести и засилени напади. Сме пробале со сите апчиња и терапии, но ништо не помага. Последниот удар беше кога од нападите му се преплетија и цревата…

Лекарите ни кажаа дека решение постои – специјален апарат кој ќе ја спречува епилепсијата. Тој апарат е единствена надеж за Ванчо да може да има мирни денови, без постојан страв дека нападите ќе го скршат неговото тело и душа.Ванчо има и постара сестра која секогаш му е поддршка. Нашето семејство се труди да му даде се, но вистината е дека без ваша помош не можеме да му ја овозможиме оваа шанса за живот.

Секој ден го гледам моето дете како се мачи и срцето ми се кине. Молам од сите добри луѓе – помогнете му на Ванчо да ја добие оваа шанса! Секој ваш придонес, секое споделување, секој збор на поддршка е огромна светлина за нас.
Да му дадеме на Ванчо можност да живее достоинствен живот, да го запознае светот без болка и напади. Тој тоа го заслужува“, се вели во апелот.