Фото: Принтскрин
156. механизирана бригада стана дел од сè поголемиот број украински единици кои се префрлаат кон југ, во Донецката област, со цел да се соочат со масовното засилување на руските сили и тенкови што се подготвуваат за напад врз утврденото градче Покровск, пренесува Euromaidan Press.
Еден украински оператор на дронови ја опиша ситуацијата како „последна, конечна битка“.
До пред еден месец, оваа бригада ја држеше линијата во регионот Суми, заедно со други единици од новоформираниот 18. армиски корпус. Но, по серијата украински порази околу Покровск, Кремљ донесе одлука да не се повлече, туку напротив – да ја засили офанзивата и да распореди големи количества воена техника и трупи со целосна тенковска операција.
Според последните податоци, најмалку пет руски поморски и воздухопловни бригади и полкови, еден тенковски и еден пешадиски полк, како и две моторизирани бригади веќе се префрлени или се префрлаат од областа Суми во правец на Покровск. Тие се дополнети со моторизирана дивизија од регионот Херсон.
Така, тие ќе им се придружат на руските сили кои со месеци ги окупираат Покровск и околните населени места. Според најновите разузнавачки извештаи, околу градот моментално се концентрирани околу 150.000 руски војници.
The once peaceful Ukrainian city of Pokrovsk burns before the eyes of the world. The sounds of war can be heard from different parts of the city amid the smoking ruins. We still remember how beautiful it was.
— Katerina Horbunova (@blue_eyedKeti) September 13, 2025
russia was assuring everyone it wasn't planning to attack Ukraine. pic.twitter.com/NcAJ4sxILF
Финскиот аналитичар Јони Аскола предупреди дека претстојната битка може да биде „поголема и покрвава“ од досегашните пешадиски судири кои беа чести во регионот.
156. механизирана бригада кон Донецк заминала уште минатиот месец, наведува Unit Observer. Таму се приклучила на 1. корпус на Националната гарда „Азов“ и други единици кои уште на почетокот на август се упатија кон Покровск за да го зауздаат, а потоа и да го одбијат рускиот продор што накратко ја загрози една од двете главни линии за снабдување на градот.
За разлика од елитните десантни сили, оваа бригада се смета за „работничка единица“ – но сепак е добро опремена. Располага со тенкови Т-64БВ, борбени возила БМП-1ТС со модернизирани 30-милиметарски топови, транспортери М-113, обновени БТР-60Д, оклопни возила „Козак“ и хаубици М-109.
