Фото: АРМ
Армијата на Република Македонија соопшти дека за првпат во својата понова историја, припадници на македонските специјални единици заедно со колегите од Командата на специјалните сили на Република Унгарија реализираат заеднички и координирани задачи на територија на сојузничка земја.
„За прв пат во современата историја на Армијата, македонските специјалци заедно со своите колеги од командата на специјалните сили на Република Унгарија извршуваат координирани специјални задачи на тлото на сојузничка држава. Предуслов за извршување на овие исклучително сложени задачи се одличната соработка на полето на обуката, меѓусебната координација и заокружениот планирачки процес.
„Operation Cold Peak“ е доказ за највисокото ниво на обученост, интероперабилност, меѓусебна доверба и соработка помеѓу специјалните единици во одбрана на сојузниците“, соопштија од АРМ.
