Медведев испрати порака која го „стресе“ НАТО – членките треба да се плашат од Русија

Полскиот министер за надворешни работи, Радослав Сикорски, во своја изјава даде на знаење дека во рамки на НАТО се разгледува можноста за затворање на небото над западна Украина. Идејата доаѓа како одговор на сè почестите руски напади со беспилотни летала, при што дел од дроновите влегуваат и на територии на земји членки на Алијансата кои се граничат со Украина.

Ваквата најава предизвика брза и остра реакција од Москва. Заменик-претседателот на Советот за безбедност на Русија, Дмитриј Медведев, преку својот канал на „Телеграм“ предупреди дека воспоставување на зона со забранет лет над Украина би било директен повод за вооружен судир меѓу НАТО и Русија.

„Сериозно, доколку навистина се реализира оваа провокативна идеја за создавање ‘зона на забрането летање’ и земјите од НАТО добијат дозвола да ги уриваат нашите дронови, тоа ќе значи само едно – отворен воен конфликт меѓу Русија и Алијансата,“ порача Медведев, додавајќи дека иницијативата потекнува од Киев и „неколку други идиоти“.

Тој дополнително ја искоментира и новата европска иницијатива наречена „Eastern Sentry“, нарекувајќи ја „потсетник на тоа што останало од некогашната ‘коалиција на подготвените’“.

Изјавите на Сикорски и реакцијата на Москва отвораат нова дилема околу можните чекори на НАТО во однос на Украина, а експертите предупредуваат дека ваквиот потег би го зголемил ризикот од директна ескалација на конфликтот меѓу Русија и Западот.