Фото: Борачка федерација на Македонија
Македонскиот претставувач во борење, Владимир Егоров, го заврши настапот на Светското првенство во Загреб, Хрватска, со освоено петто место.
Во борбата за бронзениот медал Егоров се соочи со Гуломјон Абдулаев од Узбекистан, но по голема борба беше поразен со резултат 1-3.
До оваа шанса за медал, македонскиот борач стигна преку репасажот, каде што беше убедлив противник на Гарет Остин Сандерс од Канада, славејќи со максимални 10-0.
И покрај тоа што остана без одличје, петтото место на едно Светско првенство претставува значаен успех за Егоров и уште една потврда за неговиот висок квалитет на меѓународната сцена.
Фото: Борачка федерација на Македонија
