Приведен пратеник на Левица – учествувал во сообраќајка со мотоциклист кој се бори за живот

Во 00:45 часот на крстосницата помеѓу ул. 10 и сервисната улица во село Марино, се случи сообраќајна незгода помеѓу патничко моторно возило „Хјундаи Туксон“, управувано од Сашко Јанчев од Гевгелија, и мопед „Јијинг“, управуван од М.Д. од село Идризово, објави „СкопјеИнфо“.

Од ударот, учесникот М.Д и неговата сопатничка А.Т. од населбата Илинден задобиле тешки повреди и веднаш биле пренесени со возило на Итна медицинска помош во клиниките во Скопје. Засега се знае дека состојбата на М.Д. е критична и се бори за живот.

По наредба на јавен обвинител, Сашко Јанчев е лишен од слобода и приведен во полициската станица Центар.

Инаку, Сашко Јанчев, кој е учесник и пријавител на незгодата, е пратеник во Собранието на Република Македонија од партијата Левица.